Міністр унутраных спраў Дзяніс Манастырскі паведаміў, што абкрываўленая цацка, знойдзеная пасля ракетнага ўдару ў Краматорску, перададзеная ў Міжнародны суд ААН.
Каментар:
“Я падарыў гэтую цацку каардынатару ААН па крызісных сітуацыях ва Украіне, спецыяльнаму прадстаўніку Генеральнага сакратара ААН Аміну Аваду, каб перадаць яе ў Міжнародны суд ААН у Гаазе. Няхай абкрываўленая цацка стане не толькі доказам, але і сімвалам непазбежнасці пакарання расійскіх ваенных злачынцаў”, — напісаў ён на сваёй старонцы ў Facebook.
Па словах міністра, гэтая цацка з’яўляецца “рэальным доказам страшнага ваеннага злачынства расійскіх акупантаў, учыненага ў выніку ракетнага ўдару па чыгуначнай станцыі Краматорск”.
У выніку ракетнага абстрэлу станцыі Краматорск 8 красавіка, дзе эвакуацыі чакалі каля 4 тысяч чалавек, загінулі 57 чалавек, у тым ліку пяцёра дзяцей, больш за 100 атрымалі раненні.
Крыніца: Радіо Свобода
Спасылка: https://www.radiosvoboda.org/a/news-ihrashka-kramators-sud-oon/31805107.html