У Харкаўскае вобласці расійскія акупанты ў супрацоўніцтве з мясцовымі калябарантамі арганізавалі прымусовую высылку з горада Ізюм больш за 50 грамадзян.
Крыніца: Максім Стрэльнік, начальнік упраўлення па справах моладзі, спорту і іміджавых праектаў Ізюмскага гарсавета ў Facebook
Падрабязнасці: Па словах Стрэльніка, людзі адмаўляліся выязджаць добраахвотна, нават у поўнай інфармацыйнай ізаляцыі і дэзінфармацыі ад акупантаў аб «падзенні» Кіева і Харкава.
Аўтобусы з людзьмі перасеклі мяжу ў пункце пропуску «Чугунаўка» і рушылі ў невядомым накірунку.
Па словах Стрэльніка, з акупаванага Ізюма даўно ёсць доказы таго, што расійскія акупанты разам з мясцовымі калябарантамі дэзынфармуюць людзей, якія знаходзяцца ў поўнай інфармацыйнай ізаляцыі. Яны распаўсюджвалі розныя ілжывыя звесткі аб становішчы ў краіне і горадзе, з часам, аб «здачы» Ізюма.
Мясцовым жыхарам прапаноўвалі самастойна з’ехаць у расію, але пераважная большасць жыхароў адмаўляліся з’язджаць, нягледзячы на пастаянную пагрозу абстрэлаў.
Прамая гаворка: “Безумоўна, гэта злачынства супраць чалавечнасці, і ўсе яго арганізатары і выканаўцы павінны быць пакараныя максімальна жорстка, згодна з законамі вайны”.
Крыніца: Українська правда
Спасылка: https://www.pravda.com.ua/news/2022/04/16/7340113/