Украіна выйдзе з любых перамоў з Расіяй, калі ў Марыупалі «знішчаць нашых людзей» або калі акупанты правядуць псеўдарэферэндум, у прыватнасці ў Херсонскай вобласці.
Пра гэта заявіў прэзідэнт Украіны Уладзімір Зяленскі падчас прэс-канферэнцыі ў метро ў суботу, 23 красавіка, адказваючы на пытанні журналісткі Крысціны Бердынскіх.
Каментар: Прэзідэнт Украіны Уладзімір Зяленскі:
«Калі нашы людзі ў Марыупалі будуць знішчаны, калі на акупаваных тэрыторыях будуць праводзіцца псеўдарэндумы, Украіна выйдзе з любых перамоў».
Паводле яго слоў, людзі, якія знаходзяцца на часова акупаваных тэрыторыях Украіны, прычым не толькі ў Херсоне, але і на іншых тэрыторыях, напрыклад, у Запарожскай вобласці, не павінны дапамагаць акупантам.
Каментар: Прэзідэнт Украіны Уладзімір Зяленскі:
«Дадзеныя нашых спецслужбаў, а таксама звесткі мясцовых жыхароў, паказваюць, што ў Херсоне яны ходзяць па кватэрах і збіраюць звесткі пра мясцовых жыхароў. Я лічу, што гэта не пойдзе на карысць дыпламатычнаму ўрэгуляванню сітуацыі і не дапусціць заканчэння вайны».
На думку прэзідэнта Украіны, правядзенне любых псеўдарферэндумаў з’яўляецца няправільным крокам з боку Расіі. Гэта сведчыць аб тым, што ўсе папярэднія сустрэчы дыпламатаў — гэта фантастыка і палітычны тэатр з вельмі дрэннымі акцёрамі.
Зяленскі таксама заявіў, што ў цяперашні час Украіна не здольная да ваеннай блакады Марыупаля.
Крыніца: Новое время, Фокус
Спасылка: https://nv.ua/ukr/ukraine/politics/zelenskiy-zayaviv-shcho-v-razi-provedennya-psevdoreferendumu-ukrajina-pripinit-peregovori-z-rf-50236375.html, https://focus.ua/uk/ukraine/513258-zelenskiy-rasskazal-pri-kakih-usloviyah-ukraina-prekratit-lyubye-peregovory-s-rf