Мэр Энэргадара Запарожскай вобласці Дзьмітры Арлоў сцвярджае, што расійскія акупацыйныя войскі пачалі ўжываць рэпрэсіі супраць украінскіх працоўных на захопленай Запарожскай АЭС, якая знаходзіцца ў горадзе. Пра гэта ён паведаміў праекту Радыё Свабода «Навіны Азоўскага мора».
«Цяпер людзей вязуць проста з АЭС, кажуць, што вас там нехта здаў, і іх кідаюць у падвалы. Такіх супрацоўнікаў больш за дзясятак. То бок людзі застаюцца ў горадзе, каб не было атамных праблем, яны бяспечна эксплуатуюць АЭС, пад маральным і фізічным ціскам. Партызанаў засталося няшмат, нават моладзь пакідае горад. Зусім незразумела, хто будзе кіраваць АЭС», — падзяліўся Арлоў.
Даведка: Запарожская АЭС у Энергадары з 4 сакавіка акупаваная расійскімі войскамі.
2 траўня кіраўнік «Энергаатама» Пётр Коцін заявіў, што падчас поўнамаштабнай вайны паміж Расіяй і Украінай кампанія ўжо панесла страты на 36 мільярдаў грыўняў, а акупаваная ЗАЭС за гэты час страціла 18 мільярдаў грыўняў.
Крыніца: Радіо Свобода