ՌԴ նախագահի մամուլի խոսնակ Դմիտրի Պեսկովը հայտարարել է, որ Ռուսաստանը չի պատրաստվում կատարել ՄԱԿ-ի Արդարադատության միջազգային դատարանի առաջին որոշումը ուկրաինական պատերազմի վերաբերյալ։
Ըստ «European Truth»-ի, Պեսկովի խոսքերը մեջբերում է ռուսական Интерфакс-ը։
«Մենք չենք կարող այս որոշումը հաշվի առնել: Միջազգային դատարանն ունի այնպիսի հասկացություն, ինչպիսին է «կողմերի համաձայնությունը»: Այստեղ համաձայնություն չի կարող լինել… Այս դեպքում դա մի բան է, որը մենք չենք կարող հաշվի առնել», – ասել է Պեսկովը:
Հիշեցնենք, որ մարտի 16-ին Հաագայի ՄԱԿ-ի Արդարադատության միջազգային դատարանը պարտավորեցրել է Ռուսաստանին դադարեցնել 2022 թվականի փետրվարի 24-ին ծավալած ռազմական գործողություններն Ուկրաինայում, որի համար նպատակ է հանդիսացել «կանխարգելել ու պատժել» Ուկրաինայի Լուգանսկի և Դոնեցկի մարզերում ենթադրյալ ցեղասպանության հրահրիչներին:
Այս գործի պարագայում Ռուսաստանը հրաժարվել է պաշտպանվել Հաագայի դատարանում։ Միևնույն ժամանակ, Ռուսաստանի կողմից պաշտպանությունը մերժելը չի դադարեցնում լսումները։
Աղբյուր՝ Ուկրայինսկա պրավդա