Ռուսական ավիացիայի կողմից ռմբակոծված Մարիուպոլի Դրամատիկական թատրոնի շենքի փլատակների տակից 300 մարդու դիակ դեռևս չի հաջողվում դուրս հանել տարածքի մշտական գնդակոծությունների պատճառով։
Այս մասին UNIAN-ին տված հարցազրույցում ասել է Մարիուպոլի քաղաքապետ Վադիմ Բոյչենկոն։
Մեկնաբանությունը՝ Մարիուպոլի քաղաքապետ Վադիմ Բոյչենկոյի.
«Այսօր մարտերի էպիկենտրոնը հենց քաղաքի կենտրոնն է։ Ցավոք, հինգերորդ օրն է ինչ շարունակվում է հրետակոծությունը։ Մարիուպոլի կենտրոնը և ձախափնյա հատվածը այն տարածքն է, որտեղ մի քանի օր շարունակ ընթանում է փողոցային մարտերի ակտիվ փուլը։ Մեր տղաները բավականին ամուր են պահում մեր դիրքերը»
Բոյչենկոյի խոսքով՝ մարտական գործողությունների գոտում զոհվել է մոտ 300 մարդ, ովքեր ճաշելիս են եղել ավիահարվածի ժամանակ։ Ռմբակոծության ականատեսները նույնպես հաստատել են զոհերի թիվը:
Աղբյուր՝ Նովոյե վրեմյա