Այսօր ուկրաինացի զինվորականները կործանել են 6 «Շահեդ-136 կամիկաձե» անօդաչու թռչող սարք և ոչնչացրել ռուսական Սու-25 գրոհիչ ինքնաթիռ։
Այս մասին Facebook-ում հայտնում է Ուկրաինայի Զինված Ուժերի ռազմաօդային ուժերի հրամանատարությունը։
«Սեպտեմբերի 23-ին կեսօրից հետո արևելյան և հարավային ուղղություններով ռուս զավթիչները իրանական արտադրության «Շահեդ-136 կամիկաձե» անօդաչու թռչող սարքերով հարձակվել են Ուկրաինայի վրա»,- ասվում է հաղորդագրության մեջ։
Նշվում է, որ ժամը 18:30-ի դրությամբ Ուկրաինայի զինված ուժերի ռազմաօդային ուժերի զենիթահրթիռային ստորաբաժանումների կողմից խոցվել է վեց կամիկաձե անօդաչու թռչող սարք։
Բացի այդ, երկրի հարավում ռազմաօդային ուժերի հակաօդային կործանիչները ոչնչացրել են հակառակորդի Սու-25 գրոհիչ ինքնաթիռ։
Աղբյուր՝ Ուկրինֆորմ