Առնվազն 20 մարդ է զոհվել հունիսի 27-ին Կրեմենչուկի առևտրի կենտրոնի վրա հրթիռակոծության հետևանքով։
Աղբյուր՝ Նախագահի գրասենյակի ղեկավարի տեղակալ Կիրիլո Տիմոշենկոն ճեպազրույցում
Ուղիղ խոսք՝ «Երեկ օկուպանտները նենգ հրթիռային հարված են հասցրել Կրեմենչուկի առևտրի կենտրոնի վրա, երբ այնտեղ գտնվել է մոտ հազար մարդ։
Արդեն հայտնի է ավելի քան 20 զոհվածների և 59 վիրավորների մասին, որոնցից 25-ը հոսպիտալացվել են։
Կան նաև 40-ից ավելի հայտարարություններ անհայտ կորածների հարազատներից, որոնք կարող էին գտնվել առևտրի կենտրոնում հրետակոծության ժամանակ»։
Մանրամասներ՝ Փլատակների տակից մարդկանց դուրս են բերում հարյուրավոր փրկարարներ, պարեկներ, ազգային գվարդիականներ և քաղաքացիական անձինք։ Որոնողական աշխատանքները շարունակվում են։
Կրեմենչուկի բնակիչները զոհերի հիշատակին ծաղիկներ և մանկական խաղալիքներ են բերում Amstor առևտրի կենտրոն, հայտնել է շրջանի ղեկավար Դմիտրի Լունինը։
Աղբյուր՝ «Ուկրաինսկա պրավդա».